Nimando ang hepe sa Philippine National Police (PNP) Police Gen. Rommel Francisco Marbil nga ang tanang police units kinahanglan nga mutubag sa 911 emergency calls sulod sa tulo ka minuto.
Mao kini ang gibutyag ni Gen. Marbil nga giingong kabahin sa paningkamot sa PNP nga pakusgon ang kaluwasan sa publiko ug masiguro nga matubag dayon ang mga tawo nga anaa sa peligro.
Dugang pa niini nga ang matag Pilipino kinahanglang alagaran sa kapolisan bisan unsa pa ang ilang nahimutangan o kahimtang ug ang gi-revitalized nga 911 hotline dili lang usa ka technological improvement.
Importante kini nga bahin sa ilang misyon nga himuong luwas ug suportahan sa PNP ang matag komunidad.
Sa bag-ong sistema, gipasiugda ni Marbil ang kamahinungdanon sa kaandam sa PNP sa pagtubag sa mga emerhensiya.
