Pletehan sa bus dako ang posibikidad nga musaka tungod sa pagsaka sa presyo sa petrolyo

Posibleng mosaka ang presyo sa plete sa mga bus nga nag-operate sa General Santos City padulong sa Koronadal, Davao, ug ubang bahin sa Mindanao tungod sa pagtaas sa presyo sa petrolyo.

Kahibaluan na nga ang Mindanao Star ang miuna na sa pag-adjust sa ilang plete base sa bag-ong ‘rates’ nga gipagawas alang sa kahibalo sa mga pasahero, subay sa direktiba sa Land Transportation Franchising and Regulatory Board (LTFRB).
Sumala ni Raymond Ledesma, Terminal Administrator sa Bulaong Terminal, wala silay mahimo ug tugutan sa LTFRB ang mga kompanya sa bus nga ipatuman ang pagtaas sa plete.

Gipasabot usab nga posibleng mas dako ang epekto niini sa Semana Santa, diin daghang trabahante ang mag-uli sa ilang mga probinsya tungod sa long weekend.