GENERAL SANTOS CITY – Gahilak nga nangayo ug tabang sa Bombo Radyo GenSan ang usa ka Pinay nga OFW sa Dammam, Saudi Arabia, human gidagit ug gitabangan ug lugos sa wala mailhing mga kalalakihan.
Kagahapon sa hapon, nakahigayon si Alyas Grace, taga North Cotabato, nga usa matud pa ka “TNT” sa nahisgutang nasud, hinungdan nga nakatawag sa sibyahanan.
Sumala pa nga nagbakasyon ang iyang amo sa Europe apan una kini mibiyahe, misaad matud pa nga tabangan siya nga makauli sa nasud.
Apan nagsakit matud pa siya ug na-ospital ug dihang nakagawas sa tambalanan, gikatakda untang sugaton sa usa ka higala nga didto usab gatrabaho.
Apan duha matud pa ka foreigner nga miduol kaniya ug nagpakaron-ingnon nga pulis.
Gipugos matud pa siya sa nahisgutang mga lalaki nga muuban kanila, ug gidala sa usa ka balay, kung asa siya makapila ka higayon nga gitabangan ug lugos.
Pagkasunod adlaw, may lain matud pang usa ka lalaki ang miabot ug subli siyang gitabangan ug lugos.
Gidala usab matud pa siya sa tulo ka suspek sa usa ka oil refinery kung asa siya subling gitabangan ug lugos, kauban ang lain pang mga kalalakin-an.
Gikuha usab matud pa sa mga suspek ang iyang mga gamit kalip na ang mga cellphone, apan maayo na lamang nga may usa pa nga nabilin nga maoy iyang gigamit sa pag-contact dinhi sa sibyahanan, ug sa pipila ka akila aron mangayo ug tabang.
Sa pagkakaron gikulong gihapon matud pa si Alyas Grace sa nahisgutang hideout sa mga suspek, ug galaum nga sa labing dakong panahon ma-rescue ug makauli sa nasud.
