Gi-activate sa Philippine Embassy sa Israel ang ilang Crisis Management Team (CMT) human sa nagkagrabeng tensyon tali sa Israel ug Iran.
Si Ambassador Aileen Mendiola sa Embahada sa Tel Aviv nanguna sa pagpa-aktibo sa CMT aron matubag ang paspas nga nagkagrabe nga kahimtang sa rehiyon.
Kini human sa mga lakang sa militar nga gilusad sa Israel batok sa Iran, nga nagresulta og kabalaka sa seguridad sa mga Pilipino sa maong lugar.
Gipasalig ni Ambassador Mendiola nga ang koordinasyon sa mga awtoridad sa Israel ug Pilipinas nagpadayon, ug ang mga importanteng pahinumdom ug tabang alang sa kaluwasan sa mga kababayan gihatag dayon.
Giawhag sa Embahada ang Filipino community sa pagsunod sa mga guidelines sa IDF Home Front Command ug sa mga advisory sa Embahada.
Pagmabinantayon ug pag-andam kanunay alang sa bisan unsang mga pasidaan o pahibalo.
Ang Embahada padayon nga hugot nga nagmonitor sa kaayohan ug seguridad sa mga Pilipino sa Israel.
Nasayran nga adunay 20,000 ngadto sa 30,000 ka OFW sa Israel.
