Wala mohimo og “ala-tokhang way” sa imbestigasyon si Presidente Ferdinand Marcos Jr.
Kini maoy tubag ni Palace Press Officer USec. Claire Castro sa pangangkon ni Bise Presidente Sara Duterte nga kon seryoso si Presidente Marcos sa pagsulbad sa mga anomaliya sa pagbaha, mailhan na unta sulod sa usa ka adlaw ang mga nalambigit sa kurapsyon.
Matod ni Castro, girespeto ni Presidente Marcos ang due process.
Giklaro sa Opisyal sa Palasyo nga ang imbestigasyon alang sa katawhan ug dili sa politika.
Gibuhat kini sa presidente bisan kung makadaot kini sa iyang administrasyon ug sa iyang mga suod nga higala.
Gitataw usab ni Castro nga bisan og gibutyag ni kanhi Presidente Rodrigo Duterte nga nidagsa ang mga ghost project sa iyang administrasyon, wala siya’y nahimo aron patubagon ang mga opisyal nga nalambigit sa mga anomaliya nga proyekto.
Dili na maagwanta ni Presidente Marcos ang kamatuoran nga binilyon ang kantidad sa kwarta sa katawhan nga nausik tungod kay gusto niya nga mahunong na ang kurapsyon sa mga proyekto sa pagbaha.
