Gipasalig ni President Ferdinand Marcos, Jr. nga padayunon ang mga lihok aron masiguro nga masarangan gihapon sa Filipino consumers ang presyo sa mga palaliton sa nasud.
Kabahin kini sa statement sa presidente human gireport sa Philippine Statistics Authority (PSA) nga miabot sa 3.3 percent ang inflation rate sa Pilipinas sa bulan sa Agusto nga mas mubo sa 4.4% alang sa bulan sa Hulyo.
Sumala kang Marcos, makonsidera nga kadalag-an alang sa matag Pilipino ang mas mubo nga inflation.
Kahibaluan nga sumala sa PSA, ang pag-ubos sa inflation sa Agusto ang human usab sa paghagan-hagan sa pagsaka sa presyo sa pagkaon og transportasyon.
Sulod ang 3.3 percent sa 3.2-to 4-percent nga forecast sa Bangko Sentral ng Pilipinas (BSP) alang sa bulan sa Agusto.
