GILAS PILIPINAS, NAPILDI SA BAHRAIN SA ASIAN GAMES

Napildi ang defending champion nga Gilas Pilipinas batok sa Bahrain, 85-89, sa ilang unang duwa sa 2026 Asian Games.

Nakapuntos og 31 si Calvin Oftana, apan wala niya madala ang Gilas sa comeback.

Nalisdan usab ang Pilipinas sa opensa sa Bahrain, ilabina nila JaKarr Sampson ug Elijah Thomas.

Samtang, naangol ang tuo nga bukong-bukong ni Adrian Nocum sa ulahing bahin sa duwa.

Dili pa klaro kung makaduwa si Nocum batok sa Kazakhstan karong Sabado.

Kinahanglan karon nga makabawi dayon ang Gilas aron mapadayon ang ilang kampanya alang sa ikaduhang sunod-sunod nga gold medal sa Asian Games.