Humarap si Vice President Sara Duterte sa iyang mga supporters sa Quezon City Justice Hall ning buntaga, diin iyang gibatikos pag-usab ang administrasyon ni Pangulong Ferdinand Marcos Jr.
Kini human gi-postpone karong adlawa ang iyang arraignment o pagbasa sa sakdal sa Quezon City Regional Trial Court sa kasong grave threats tungod sa mga pending motion sa iyang kampo.
Sa iyang mensahe, giingon sa bise presidente nga dili siya makahawa o magpakahilom samtang nakita niya kuno ang pag-antos sa mga Pilipino ug ilang mga pamilya.
Direkta usab nga gibatikos ni Duterte si Pangulong Ferdinand Marcos Jr., nga iyang giakusahan nga bakakon ug abusado.
Giinsistir pa sa bise presidente nga wala kunoy utang kabubut-on ang Pangulo sa mga Pilipinong mipili kaniya ug kinahanglan na kini nga mobiya sa pwesto.
Gidasig usab ni Duterte ang iyang mga supporters nga ipadayon ang ilang pakigbisog batok sa mga tawo nga, matud pa niya, nalambigit sa korapsyon ug uban pang mga isyu.
Samtang, nagpadayon gihapon ang legal nga proseso batok sa bise presidente may kalabotan sa iyang giatubang nga kaso.
