-- ADVERTISEMENT --
Nagtuo si Presidente Ferdinand Marcos Jr. nga lisod na ang pagporma og quorum aron matagaan ug pagtagad ang impeachment complaint nga gipasaka batok kang Bise Presidente Sara Duterte.
Sa pakighinabi kang Pang. Marcos dihang miadto sa Leyte, matod niya nga duol na ang campaign period ug nagkapuliki na ang mga kongresista ug senador sa pagpangampanya.
Buot ipasabot nga wala nay mga kongresista ug senador nga motutok o mohatag og panahon sa pagtubag sa mga impeachment complaints kay matod niya sigurado sila nga mangampanya.
Matud pa sa Presidente nga para niya dili kini ang saktong timing o panahon para hisgutan ang impeachment.
