Gidasig ni Presidente Ferdinand Marcos Jr. ang mga kababayen-an sa pag-apil sa Philippine Military Academy (PMA), ilabi na niadtong nagdamgo nga dunay importanteng papel sa nasud.
Ang Presidente mihimo sa pamahayag atol sa iyang graduation speech para sa PMA Siklab-Laya Class of 2025 cadets sa Fort del Pilar, Baguio City, diin iyang giila ang 54 ka mga babaye sa 266 ka graduating PMA cadets.
Ang Presidente nagkanayon nga ang mga babayeng kadete sa PMA maoy pruweba nga ang mga babaye makahimo usab sa mahimo sa mga lalaki nga kadete sa akademya.
Matod niya nanghinaot siya nga ang mga mogradwar nga babayeng kadete sa PMA magsilbi nga inspirasyon sa matag dalaga ug mahimong kabahin sa mga kausaban ug pag-uswag sa Pilipinas.
Gisultihan ni Presidente Marcos Jr. ang mga migraduwar nga kadete nga nakadayeg siya sa ilang kalig-on, kakugi, ug kaisog sa pagkab-ot sa kinapungkayan sa kalampusan bisan pa sa mga hagit nga ilang giatubang.
Wala kahibalo ang Presidente sa naagian sa mga graduating cadets, kay giantos nila ang upat ka tuig nga disiplina, pagbansay, ug kalisdanan aron makab-ot ang ilang tumong sa pagserbisyo sa nasud isip mga bag-ong opisyal sa Armed Forces of the Philippines.
