Gihagit ni PBGen. Nicholas Torre III, Regional Director, PRO 11 ang legal counsel sa Kingdom of Jesus Christ Atty. Israelito Torreon aron pamatud-an ang iyang mga alegasyon kalabot sa mga hulagway nga iyang gipagawas sa giingong pagpangubkob sa Philippine National Police (PNP) sa basement sa Jose Maria College.
Bisan og ang PNP wala mo-deny o mikompirmar nga ilang gikubkob sulod sa compound, gihagit ni Torre si Torreon nga pamatud-an gihapon ang iyang mga alegasyon.
Matud ni Torre, nga dapat ipagawas nila ang naghatag sa litrato ug hatagan siya og ‘source statement’, tungod kay mahimo kana sa photoshop.
Unang gikataho nga niingon si Atty. Matud pa ni Torreon nga mga 8 metros ang giladmon sa gikalot sa mga kapulisan sa silong sa JMC.
Gitataw usab ni Torreon nga ilegal ang gihimo sa kapulisan tungod kay ang bisan unsang pagpangita nga ipahigayon sa propyedad sa usa ka tawo mahimo lamang kung moluwat og balido nga search warrant ang korte.
Apan niining kasoha, human sa 11 ka adlaw, nga walay nadakpan, ang PNP nagpahigayon na lang og intrusive search sa mga kabtangan nga wala marehistro sa ngalan sa Akusado.
Dugang pa niini nga ang search warrant ang alang sa mga butang ug kontrabando.
Gitataw ni Torre nga ang labing dakong hagit nila hangtod karon mao nga wala pa gihapon mahuman ang pagpangita sa akusado mao ang kagahi sa mga sakop sa KOJC nga pasudlon sila sa pipila ka parte o lawak sulod sa compound.
