Padayon ang imbestigasyon sa mga otoridad human makaplagan ang usa ka patayng lawas nga adunay mga samad nga tinigbasan pasado alas-2 sa kaganihang kaadlawon karong Hulyo 10 sa Purok San Roque, Barangay Labangal sa General Santos City.
Ang biktima giila nga si Jonel Cameros, hamtong ang panuigon ug residente usab sa maong lugar.
Sa inisyal nga imbestigasyon, nakita sa mga rumespondeng otoridad nga adunay daghang samad nga tinigbasan sa lawas ang biktima, nga gituohang maoy hinungdan sa iyang kamatayon.
Sa pagkakaron, padayon pa ang pagpangusisa sa kapulisan aron mahibaluan ang motibo sa krimen ug mailhan ang responsable sa maong insidente. Wala pa’y opisyal nga impormasyon nga gipagawas bahin sa posibleng suspek samtang nagpadayon ang imbestigasyon.
