Gi-akusahan sa opposition parties sa Papua New Guinea si Prime Minister James Marape nga ‘missing in action’ sa tunga sa recovery effort human ang makamamatay nga landslides nga miigo sa Enga Province sa maong nasud.
Ang landslide nag-igo sa remote village sa Kaokalam, kapin 600 kilometers ang kalayuon sa northwest sa capital nga Port Moresby.
Una na nagpagawas ug written statement ang Prime Minister nga nagpadayag sa iyang pagpakig-unong sa mga apektado nga pamilya.
Ginakwestiyon sa oposisyon kun nganong wala si Marape nagpakita sa publiko aron maghatag ug pahayag bahin sa trahedya.
Wala usab kini nagpahigayon ug press conference ukon nagbisita sa mao nga isolated site.
Una nga gibutyag sa Papua New Guinea government nga kapin sa 2,000 ka mga tawo ang natabunan sa yuta ug mga bato sa landslide.
Apan pipila lamang ka mga patay nga lawas ang narekober.
Ang kalaparon sa landslide area ang ginababanaan nga upat ka mga football fields rason nga nalisdan ang mga humanitarian rescuers.
Nagpadayag usab ug simpatiya ang mga world leaders sama nilang King Charles, United States President Joe Biden ug lider sa United Nations alang sa ginaatubang sa maong nasyon.
