Dili na kinahanglan pa og direktiba gikan kang Pang. Ferdinand Marcos ang mga concered government agencies sa matag adunay mga kalamidad o katalagman.
Tungod nasayran na sa nagkadaiyang buhatan sa gobyerno ang ilang angay nga himuon kalabotan sa sitwasyon sa Bulkang Taal, human nga nakatala og pagbuto sa bulkan, alas 4:30 kagahapon (October 3).
Matod kang Pangulong Ferdinand R. Marcos Jr., aduna usab standard operating procedure (SOP) nga ginasunod ang gobyerno unsa mang katalagman o kalamidad ang muigo o musulod sa nasod.
Sumala sa Pangulo, sila sa National Government, hugot ang ginahimong pagbantay sa labing ulahing aktibidad sa Bulkang Taal, ug muhimo og aksyon ang gobyerno kung unsa ang kinahanglanon sa ground.
Gisiguro sa Pangulo, nasayran na sa mga sakop sa gobyerno nga nakatutok sa Bulkang Taal ang angayang himuon.
Sa oras usab nga makakita og unang sensyales nga kinahanglan ng ihikling ang mga residente nga duol sa bisinidad sa bulkan, gilayon kining himuon sa gobyerno.
Tungod niini gibutyag sa Pangulo nga dili na kinahanglan pa hatagan og direktiba ang mga concerned agencies.
