GENERAL SANTOS CITY – Bisan pa sa mga pasidaan sa labaw sa kapulisan sa rehiyon nga gipahugtan ang pagbantay sa mga palusot nga sigarilyo may pipila ka indibidwal gihapon ang buot sulayan ang maong kamandu-an.
Kini human masikop sa joint forces ang usa ka driver nga maneho ang mini van nga nagkarga ug napulo ka karton sa sigarilyo.
Giila ang dinakpan nga si Alias Ronnie 31 anyos nga taga Purok Narra, New Passi Tacurong Sultan Kudarat .
Gipahunong sa checkpoint sa Barangay Panay, Sto Niño South Cotabato ang nahisgutan ug nakita ang kargamento hinungdan gipangitaan ug papeles apan pakyas ang suspek hinungdan nga gikumpiska ang 490 ka ream sa sigarilyo nga may market value nga P537,000.00.
Gitugyan na sa Bureau of Customs dinhi sa syudad ang nakumpiska nga mga sigarilyo samtang kustudiya ang suspek sa kapulisan sa South Cotabato aron atubangon ang kaso sa pagsupak sa Republic Act 10863, kon Customs Modernization and Tariff Act.
