GENERAL SANTOS CITY – Mihangyo si Atty. Jose Villanueva, assistant regional director sa Comelec 12 sa mga botante nga dili magsul-ob og sanina o t-shirt nga may pangalan o nawong sa kandidato sa pag-adto sa polling center aron magboto.
Bisag ang facemask nga may pangalan o nawong sa kandidato bawal gihapon.
Matud pa ni Atty. Villanueva nga may patakaran ang Comelec nga hugot nga gidili gumikan human na ang campaign period sa miaging Mayo 7, 2022.
Sa iyang pamahayag nga walay problema kung magsul-ob og sanina nga pareho ang kolor nga napili isip simbolo sa usa ka kandidato basta wala ang ilang nawong o pangalan.
Ang panawagan ni Atty. Villanueva ang pahimangno usab sa mga botante aron nga dili makabaton og problema.
Matud pa niini nga simple ang maong patakaran busa angayang hinumdumon kanunay og sundon.
