GENERAL SANTOS CITY – Personal nga bangi ang anggulo sa motibo sa natigayong pagpang-ambush sa sa usa ka multicab sa Nat’l Highway, Brgy Kanalo Maasim Sarangani Province.
Kahibaluan nga nahitabo ang maong insidente niadtong Dominggo sa hapon kung asa nagresulta sa pagkamatay ni Muhamad Sali Abas Oda, usa ka negosyante nga taga Datu Dani lagundi Kiamba, Sarangani Province human nga nakaangkon ug samad pinusilan sa liog.
Samtang nadaplisan sa iyang aping ang ig agaw niini nga si Abdulbayan Abas Oda. Suwerte usab nga wala naigo ang tulo ka menor de edad nga pasaherop sa multicab.
Gibutyag ni P/Sr Insp. Wesley Matillano, deputy Chief of police sa Maasim Municipal Police Station nga personal nga bangi ang nakit-an niang motibo sa maong krimen nga maoy paayon pa nilang giimbestigahan
Sa insiyal nga imbestigasyon, duha ka tawo ang nakit-ang namusil sa mga biktima kung asa nakasul-ob ug tshirt ug short pants.
Narekober sa kapulisan sa crime scene ang upat ka basiyo og usa ka bala sa carbine.
Nangalap pa ug dugang ebidensiya ang kapulisan alang sa pag-ila sa mga suspek.
