Giangkon sa Bangko Sentral ng Pilipinas (BSP) nga mahimong makaapekto sa ekonomiya sa Pilipinas ang posibleng paghinay sa kalihokan sa ekonomiya sa kalibotan tungod sa patakaran sa taripa sa US ug sa kasamtangang tensiyon sa Middle East.
Matod ni BSP Governor Eli Remolona Jr., ang pagsaka sa presyo sa mga produktong petrolyo ingon man ang mga kausaban sa singil sa kuryente ug mas taas nga taripa sa bugas makadugang sa inflationary pressures.
Tungod niini, ang BSP miingon nga gikinahanglan nga bantayan pag-ayo kining kasamtangang mga hulga sa inflation tungod sa geopolitical tension ug walay kasiguroan nga mga polisiya sa gawas.
Samtang, sumala kay Remolona, may posibilidad nga madugangan pa ang interest rate nga 25 basis points ning tuiga.
Kaniadtong Huwebes, gipaubos sa Monetary Board ang mga rate sa interes sa laing 25 basis, nga nagdala sa mga interest rates sa mga overnight deposits sa 4.75% samtang sa lending facilities usab anaa sa 5.75%.
Ang Monetary Board mipasalig nga sila magpadayon sila sa pag-assess sa impact o epekto niini bag-o ang monetary policy adjustments.
