GENERAL SANTOS CITY – Aprubado na sa ika-27 sesyon sa Sangguniang Panlalawigan sa Sarangani ang paghatag ug otorisasyon kang Governor Steve Chiongbian Solon nga pirmahan ang Deed of Donation tali nilang Department of Health Secretary Paulyn Jean Ubial ug lokal nga panggamhanan, alang sa pag-donar sa tulo ka ektaryang luna nga patukuran sa Regional Drug Rehabilitation Center.
Nagkantidad ug P3.6 million ang nahisgutang luna, nga duol mismo sa Sarangani Police Provincial Office.
Kahibaluan nga gipondohan kini mismo sa Chinese Government.
Ug gani, kaniadtong Lunes, Hulyo 10, pito ka Chinese contractor nga gilangkuban sa mga architect ug engineer ang mibisita sa probinsya aron sutaon ang lugar.
Gumikan niini, gilaumang sa labing daling panahon, masugdan na ang konstruksyon sa naasoy’ng pasilidad nga nag-inusarang drug rehabilitation center sa tibuok Region 12.
