Giklaro sa Philippine Atmospheric, Geophysical and Astronomical Services Administration o PAGASA General Santos Station nga dili nila opisyal nga gigamit ang termino nga “Super El Niño,” kundili “very strong El Niño” alang sa umaabot nga hulaw nga gilauman nga molungtad hangtod sa tunga-tunga sa sunod nga tuig.
Sumala kang Binrio Biñan, Station Chief sa PAGASA Gensan, ang maong klasipikasyon gibase sa gikusgon sa pagsaka sa temperatura sa Kadagatang Pasipiko.
Matod ni Biñan, maingong weak ang El Niño kung mosaka og 0.5 degrees Celsius ang temperatura sa dagat, samtang strong kung moabot kini og 1 degree Celsius.
Mahimo kining ma-classify isip very strong kung molapas na sa 1.5 degrees Celsius ang pagtaas sa temperatura.
Sa pagkakaron, nakarekord ang PAGASA og 2.1 degrees Celsius nga pagtaas sa temperatura sa ibabaw sa normal nga lebel, nga nagpakita sa kahimtang sa very strong El Niño.
Gipahimangnoan usab ang publiko nga mag-andam sa posibleng epekto sa hulaw, ilabi na sa suplay sa tubig, agrikultura ug panginabuhian.
