Nanghinaut si Dr. Rochelle Gajete-Oco, IATF Incident Commander sa Gensan nga magpadayon ang pag-ubos sa kaso sa Coronavirus disease hangtod sa sunod nga tuig.
Matud niini, mahitabo lamang kini kung halos tanan sa populasyon ang bakunado na og hugot ang pagsunod sa minimum health protocols.
Gibutyag ni Dr. Oco, pinaagi niini malikayan ang pagtakdanay sa virus.
Dugang sa nasampit, karong panahon nga ubay-ubay ang mga panagtapok, batasanon gihapon ang pagsul-ob og face mask, i-obserba ang social distancing, maghugas og mga kamot bag-o mukaon samtang kung anaa sa close door venues, angayang abli ang mga pultahan aron dili magpondo ang hangin sa usa ka lugar nga posibleng adunay nagkatag nga virus.
Sa pamahayag ni Dr. Oco, kung hingpit ng matapna ang covid 19, mubalik na ang tanan sa normal lakip ang kalagsik sa ekonomiya og panginabuhian.
