GENERAL SANTOS CITY Mukabat sa P250,000 ang inisyal nga damyos sa nahitabong sunog sa Block 1, Lot 17 DBP compound, Barangay Lagao ning dakbayan.
Wala pa matino karon sa arson investigator sa Bureau of Fire Protection GenSan kon unsa ang hinungdan sa sunog sanglit ilaha pang balikan ang dapit aron sa dugang nga pakigsusi sa panghitabo.
Kahibaluan nga ang nasampit nga panimalay ang gipanag-iyahan ni Jimmy Ortiz Sr.
Gikabutyag nga wala ang nasampit sa ilang balay dihang nahitabo ang sunog og ang bugtong nabilin lang sa ilang panimalay mao ang iyang kabanay nga si Kevin Antonio Ortiz 28-anyos nga nakaangkon og paso sa abaga og pangos sa paa og samdan usab ang usa ka tuig nga bata nga si Strawberry Star Ortiz nga nakahanggap og aso.
Maayo na lang nga naluwas sa mga silingan ang bata pinaagi sa paghatag og hagdanan nga giagi sa taas nga pader human sila na-trap sulod sa compound.
