Gianunsyo sa Department of Agriculture nga sugdan na ang pagpatuman og pagbaligya ug P20 kada kilo sa bugas sa Visayas region sa sunod nga semana.
Gihimo niini ang anunsyo human sa closed-door meeting kagahapon kauban si Pangulong Ferdinand Marcos Jr. og 12 ka Visayas Governors sa Kapitolyo.
Gibutyag ni DA Secretary Francisco Tiu Laurel Jr nakigkooperar ang gobyerno pinaagi sa ilang ahensya sa mga local government units aron ipatuman ang programa.
Duha ka ‘template’ ang ilang gitan-aw kung asa ang una, lima ka kilo kada semana kada pamilya og ang ikaduha, napulo ka kilo kada semana.
Ang maong programa mulungtad lang hangtod Disyembre apan naghatag pa og direktiba nga maghimo og mga pamaagi aron mahimong ‘sustainable’ kini og magpadayon hangtod sa 2028.
