GENERAL SANTOS CITY – Mukabat sa usa ka milyon ang kantidad sa troso ang nakumpiska sa National Anti-Environmental Crime Law Task Force sa Lebak, Sultan Kudarat.
Gibutyag ni Department of Environment and Natural Resources DENR 12 – Anti illegal Logging Campaign In-Charge Datu Tungko Saikol nga mukabat sa 30,000 bd.ft. nga pulos hard wood ang illegal nga giputol sa mga logger.
Gikumpirma niini nga nasikop nila ang tag-iya sa naasoy nga kahoy apan wala una gipanganlan sa Task Force samtang nagpadayon ang paggukod sa uban pang nagpalusot ug kahoy.
Ang task force ang namugna kaniadtong Pebrero nga nakapahigayon na ug duha ka operasyon kung asa usa sa dakbayan kung asa naka-impound na ang mga troso sa Community Environment and Natural Resurces Office.
Sumala kang Saikol, nakatakda nilang i-donate ang naasoy nga kahoy sa mga buhatan sa Department of Education aron magamit sa pagpatindog ug mga school building.
