GENERAL SANTOS CITY – Hugot ang gihimong monitoring sa mga otoridad batok sa kalihokan sa New Peoples Army kon NPA gumikan sa nagkadauol nga ika-54 nga founding anniversary sa Communist Party of the Philippines kon CPP sa December 26.
Matud ni Retired Col. Eduardo Marquez sa National Intelligence Coordinating Agency kon NICA 12 nga wala silay bahad nga nadawat apan wala sila nagkumpyansa.
Sa iyang pamahayag nga walay angayang saulogon nga anibersaryo tungod mga kagubot lang ang gihimo sa nasud sa maong grupo.
Sa mga anaa pa sa kabukiran panahon na aron magsurender tungod daghan na sa ilang mga lider ang mibalik sa sabakan sa gobyerno gawas pa nga ang uban ang nasikop o napatay sa engkwentro.
Kahibaluan nga ning holiday season ang militar og NPA ang wala nagdeklara og ceasefire.
