GENERAL SANTOS CITY – May usa na ka driver nga nagpositibo sa iligal nga droga dinhi sa siyudad sa gipahigayon nga Oplan Huli-Week sa Philippine Drug Enforecment Agency kon PDEA nga nationwide nga gipahigayon.
Kini ang gikumpirma ni PDEA 12 Regional Director Naravy Duquiatan, sa pakighinabi sa Bombo Radyo GenSan.
Matud pa, usa ka driver sa bus ang nagpositibo gikan sa 232 ka mga drivers, dispatcher ug konduktor nga gipailawom sa mandatory drug test.
Ang nahisgutang drug test result ang ipailawom pa sa confirmatory test, ug kon mapamatud-an nga positibo gayud sa iligal nga droga ang naasoy’ng driver, i-turnover matud pa nila kini sa LTO alang sa pagbakwi sa lisensya sa nasampit, ug i-refer sa alang sa drug rehabilitation.
Kahibaluan nga ang maong programa ang gipahigayon sa PDEA katambayayong ang LTO, LTFRB, PNP ug lokal nga panggamhanan ug uban pang ahensya sa gobyerno.
