Nidapit sa National Aeronautics and Space Administration (NASA) ang publiko sa pagsumite og ngalan nga ilakip sa usa ka biyahe paingon sa bulan isip kabahin sa misyon sa Artemis II kagahapong adlawa sa Valentine’s Day
Sa usa ka post sa Valentine’s Day gikan sa ahensya sa kawanangan,nag-awhag kini sa publiko nga iparehistro ang ilang mga minahal ug ilakip ang ilang mga ngalan sa talagsaong misyon sa bulan.
Ang pagparehistro anaa pinaagi sa opisyal nga website sa NASA.
Ang mga ngalan nga gisumite ibutang sa usa ka SD card sakay sa Orion spacecraft sa paglusad sa Artemis II sa ulahi ning tuiga.
Ang Artemis II mao ang unang paglupad sa upat ka astronaut nga adunay tripulante paingon sa bulan ug balik.
Ang 10 ka adlaw nga misyon gilauman nga ilunsad sa Abril gikan sa Kennedy Space Center, Florida.
Gilauman usab nga kini mahimong makasaysayanon isip unang paglupad sa tawo sakay sa Space Launch System rocket ug Orion spacecraft.
Ang paglupad usa pa ka lakang padulong sa umaabot nga mga misyon nga adunay tripulante paingon sa lunar surface ug aron matabangan ang NASA sa pagpangandam alang sa umaabot nga mga misyon sa astronaut paingon sa Mars.
