Apil nga gihisgutan sa ikapito nga pagdungog sa House Quad Committee ang mga napundar nga kabtangan ni kanhi Philippine Charity Sweepstakes Office (PCSO) General Manager Royina Garma sa probinsya sa Cebu.
Giablihan ni Sta. Rosa Representative Dan Fernandez ang hisgutanan atul sa interpolasyon.
Matud kang Fernandez, may kakayahan pang magdonate ug dako nga kantidad si Garma sa usa ka party-list group.
Gitumbok sa Quad Committee ang mansion sa hilltop sa Cebu nga panag-iya sa kanhi opisyal.
Giangkon usab ni Garma nga gipatindog ang naasoy nga mansion gamit ang kaugalingon nga salapi.
Naungkat usab ang duha ka milyon ka pesos nga donasyon sa PCSO sa usa ka STL Foundation.
Gawas niini adunay P23M nga savings si Garma sa bangko ug sa Public Safety Savings and Loan Association.
Una nga nalambigit ang pangalan ni Garma sa pagpatay sa tulo ka Chinese inmate sa Davao kaniadtong 2016 ug usa ka PCSO official kaniadtong 2020.
