Girekomenda sa National Police Commission (NAPOLCOM) ang pagtangtang sa kanhi hepe sa Criminal Investigation and Detection Group (CIDG) nga si Police Brigadier General Romeo J. Macapaz uban sa 11 ka mga pulis.
Kini may kalabotan sa kaso sa pagkawala sa mga sabungero.
Sumala ni NAPOLCOM Vice Chairman ug Executive Officer Ralph Calinisan, nakakita sila og lig-on nga ebidensya sa grave misconduct, obstruction of justice ug conduct unbecoming of a police officer.
Ang mga pulis nga gimandoan nga tangtangon dayon naglakip nila ni: Police Lieutenant Colonel Ryan J. Elia Borapa; Sila si Police Major Mark Philip Cimborio Almedilla, Police Executive Master Sergeant Aaron Ezra Lagahit Cabillan, Police Chief Master Sergeant Arturo Opalla Dela Cruz Jr., Police Senior Master Sergeant Joey Natanawan Encarnacion, Police Senior Master Sergeant Mark Anthony Aguilo Mandrique, Police Senior Master Sergeant Anderson Orozco Abari, Police Staff Sergeant Alfredo Uy Antes, Police Staff Sergeant Edmond Hernandez Muñoz, Police Corporal Angel Joseph Ferro Martin ug Police Staff Sergeant Renan Lagrosa Colencho.
Gawas sa pagtangtang, tangtangon usab sila sa ilang mga benepisyo sa pagretiro, pagkansela sa eligibility ug perpetual disqualification sa pagkupot sa bisan unsang katungdanan sa gobyerno.
Ang pagtangtang kang Macapaz anaa na karon sa mga kamot ni Presidente Ferdinand Marcos samtang ang pagtangtang sa 11 ka mga opisyal sa pulis ipatuman dayon.
