GENERAL SANTOS CITY – Nakabalik na sa ilang tagsa ka pinuy-anan ang mga pamilya nga namakwit tungod sa engkwentro sa militar og NPA sa Brgy. Tablu, sa Tampakan South Cotabato.
Kini human nga gideklara sa mga otoridad nga luwas nang makabalik ang anaa sa 60 pamilya nga mihikling tungod sa kahadlok nga maangin sa bayluanay og buto sa lugar.
Kahibaluan nga natakboy na palayo sa mga sundalo ang miatakeng mga rebelde sa CAFGU detachment sa Tampakan niadtong Biernes sa buntag.
Kini human ang gipahigayong sunod-sunod nga pagpamomba sa 105 howitzer cannon og pagpatrolya sa military choppers.
Sa clearing operation sa kasunsalohan walay nakit-ang samdan o namatay apan may narekober nga mga first aid kits, basiyo sa mga bala og parte sa mga pusil.
Nasayran nga gikan sa Sitio Mangisi ang mga apektadong pamilya og temporaryong misilong sa Brgy Tablu.
