Nakita ang China Coast Guard (CCG) vessel 5901 o monster ship nga mihawa palayo sa baybayon sa Zambales kagahapon Enero 19.
Sa gipaambit nga video ni Philippine Coast Guard (PCG) spokesperson for the West Philippine Sea Commodore Jay Tarriela, makita nga anaa sa layong distansiya ang higanteng barko sa China samtang mipuli usab ang China Coast Guard vessel 3304.
Base sa monitoring activities bandang alas-3 sa hapon kagahapon, naobserbahan sa mga personnel sa BRP Gabriela Silang ang paglayo sa monster ship gikan sa barko sa Pilipinas samtang paduol usab ang mipuli dinhi nga CCG 3304 sa baybayon sa Zambales.
Bandang alas-9 sa gabie, nakitaa ang dakong barko nga anaa sa gibanabanaang distansiya nga 95 nautical miles gikan sa baybayon sa Zambales samtang ang CCG 3304 ang anaa sa 65 nautical miles.
Samtang, bisag mihawa ang monster ship sa China sa lugar, nagpabilin gihapon nga mas dako ang mihulip nga CCG 3304 sa pinakadakong barko sa PCG.
Ang gideploy sa China nga CCG 3304 may katas-on nga 11 meters og kalapdon nga 46 meters.
