GENERAL SANTOS CITY – Naghinam hinam na ang mga residente sa 31 ka barangay sa Malungon sa ideklara nga Mutya karong tuiga atul sa ika 55 nga foundation Anniversary.
Kinse ka mga maanyag nga Malngans ang mag indes aron maangkon ang Korona sa ipahigayon nga “MUTYA NG MALUNGON 2024” nga gikatakda sa Hulyo 13 sa gabii sa Sunken Arena Covered court.
Usa kini sa mga dagku nga pasundayag sa lugar nga adunay tema nga “Malungon: Beyond Compliance” .
Nasuta nga gipangandaman gayud sa munisipyo ang mga aktibidad tungod dili na kinahanglan nga mudayu pa ug kauluhan makita lamang ang mga bigating Miss Universe beauty nga silang 2019 Miss Universe Philippines Gazine Ganados nga maoy host kuyog si 2021 Miss Universe Philippines Beatrice Luigi Gomez .
Gumikan niini gilauman nga libu libu ka mga residente gikan sa 31 ka barangay ang musaksi sa maong higayon kung asa dagkong premyo ang ipanghatag nga kabahins a maong kalingawan.
