GENERAL SANTOS CITY- Dili mabalaka ang mga wala nabakunahan kalabutan sa ipatumang patakaran nga pangitaan og vaccination card ang musulod sa merkado publiko.
Matud pa ni Kapitan Rock Garay sa Barangay Dadiangas South nga nahisgutan na sa gipahigayong meeting sa syudad ang maong plano apan wala pa nasayran kung kanus-a ipatuman.
Sa pamahayag ni Garay nga sa maong patakaram pangitaan og vaccination card ang musulod sa palengke.
Apan pwede nga pasudlon gihapon ang mga walay vaccination card apan ilista ang ilang pangalan.
Ang tumong niini nga masayran kung pila ang ihap sa mga wala nabakunahan nga gasulod sa palengke lakip na ang mga gatrabaho .
Nasayran nga mismo ang lokal nga gobyerno sa Barangay South ang nagpadala og sulat sa syudad kalabutan sa maong plano.
Kahibaluan nga ubang mga establismento sa dakbayan ang nagpatuman na sa no vaccine no entry.
Sa pagpaklaro ni Garay nga dili istriktong ipatuman ang no vaccine no entry sa palengke og walay angayang kabalak-an ang dili vaccinated.
