GENERAL SANTOS CITY – Naduso na sa piskalya ang kaso nga lugos batuk sa 20-anyos nga mananagat kauban sa usa ka nagtago nga suspek human migawas ang medical examination sa biktima nga trese-anyos.
Matud ni Police Chief Insp. Renato Salarda nga gawas sa suspek nga si Arboy Bohol aduna pay laing suspek nga nagpangalan ug Baroy Pulangco lakip gikasuhan.
Gibasi matud pa ang giduso nga reklamo sa resulta sa paghiling ni Dr. Delilah Arpaz ngadto sa biktima human nagpositibu nga gihilabtan.
Samtang gikadugang ni Salarda nga ang tulo ka minors ang gitugyan sa City Social Welfare and Development Office aron sa pagpahigayon ug discernment sa tulo ka mga suspek.
Gani sa affidavit sa trese-anyos nga mikuyog kini sa mga kaila ug nag-inum ug dihang nahubog na natulog kini apan didto matud pa gihilabtan ni Bohol ug ang kauban nga si Pulangco.
Samtang ang tulo ka minor ang naghilabut matud pa sa biktima dihang gidala kini sa panimalay sa usa ka suspek ug pag-abut matud didto na gitabangan ug lugos.
Nasayran ang trese anyos taga Labus Barangay Fatima ning syudad.
Una nang gipanghimakak sa mga suspek nga wala sila manghilabut sa biktima apan ila matud pa kining gitabangan nga makatulog sa usa ka videokehan apan pagmata sa biktima gipangtudlo ang mga nahisgutan nga nagtabang ug lugos sa biktima.
