Mga sundalo sa North Korea miatras na matod pa sa pakig-away sa Ukraine

Nagtuo ang Ukraine nga posibleng muatras na sa pakig-away kanila ang sundalo sa North Korea nga mianib sa puwersa sa Russia.

Matod sa Ukrainian special forces nga sa nangaging tulo ka semana wala na silay nakita nga mga sundalo sa North Korea.

Posibleng muatras na ang mga nasampit tungod sa kadaghan sa mga namatay sa kampo nila.

Niadtong nakalabay nga mga bulan mukabat sa 11,000 nga mga sundalo sa North Korea ang gipadala aron makig-away kauban ang Russia.

Human ang pipila ka semana anaa sa kapin 1,000 mga sundalo sa North Korea ang namatay.