Mga pedicab nga dili taga Gensan panakpon sa kapulisan
GENERAL SANTOS CITY – Sarado na ang tibuok dakbayan alang sa mga poedicab nga ang mga operators ang dili taga dakbayan.
Kini human giptuman niining adlawa ang Oplan Ligtas Oplan Linis Kalsada sa LGU kauban ang kapulisan ug mga enforcers.
Matud kang City Administrator Atty Arnel Sapatos nga nagpadala na ug notisya sa mga Municipal Mayor sa pito ka lungsod sa Sarangani lakip sa Polomolok ug Tupi sa South Cotabato.
Kini aron pasabton sa gipatuman nga balaud sa dakbayan.
Gikadugang ni Sapatos nga sugod niining adlawa bawala na nga makasulod sa dakbayan ang mga pedicab ug PUV’s gikan sa naasoy nga mga lugar aron pagpangiuta ug pasahero dinhi sa dakbayan.
Matud niini nga tanan nga entrada nga bahin sa syudad ang may bantay nga enforcer ug kapulisan .
Karong adlawa usab gipatuman sa syudad ang pagbawal sa mga pedicab nga muagi sa Inner lane hinuon gipagamit kanila ang outer lane sa national highway aron dili mabalda ang dagan sa trapiko basi usab sa gipatuman nga traffic code of the Philippines.
Una nga nangayu ug pagsabut si Malapatan Municipal Mayor Jun Sumbo sa pagpanakop sa mga traffic enforcer sa mga pedicab gikan sa silingan nga lugar aron sa paghatud ug pasahero gamit ang traysikel.
Matud sa Mayor nga matag LGU adunay giapas nga ratings sa DILG kalabutan sa road clearing operations.
Usa sa nakita nga rason ni Mayor Sumbo nga adunay tumong ang LGU Gensan kini tungod mubo kaayo ang performance sa clearing operations nga gipatuman sa DILG.
Matud niini nga kadtong mga residente sa Malapatan nga nanag-iya ug traysikel mamahimo gihapon nga makahatud ug pasahero kutob sa Alabel u sa Glan apan dili na sa Gensan.
Matud niini nga posebling target sa Gensan nga makakuha ug taas nga rating sa ipahigayon nga aseeshment sa bulan sa Nobyembre hinungdan nga gidid-an ang mga taga gawas nga traysikel.
Gumikan sa kadaghan sa mga pedikab operator dili mahatag sa Mayor ang ensakto nga ihap niini nga gihimo nang panginabuhi-an sa mga residente.
