Nagpahinumdom ang Department of Trade and Industry o DTI GenSan sa publiko nga gawas sa walo ka Consumer Rights, importante usab nga masayran ug matuman sa mga mamalitay ang ilang lima ka Consumer Responsibilities aron mapanalipdan ang ilang kaayohan ug kaluwasan isip mga konsumidor.
Matud ni Elyka Agan, Senior Trade-Industry Development Specialist sa Consumer Protection Division sa DTI GenSan, usa sa importanteng responsibilidad sa mga konsumidor mao ang Critical Awareness pagka-mabinantayon sa matag produkto nga ilang paliton.
Matod ni Agan, kinahanglan batasanon sa mga konsumidor ang pagbasa sa label, pagsusi sa presyo ug pagtan-aw sa kompletong impormasyon sa produkto sa dili pa kini paliton.
Gipahinumdom usab sa DTI GenSan ang publiko nga dili magbase lamang sa presyo o hitsura sa produkto, kundili susihon usab kung kini ba adunay saktong marka ug impormasyon nga nagpamatuod sa kalidad ug kaluwasan niini.
