Nagpasalamat si Pangulong Ferdinand Marcos Jr. sa mga Pilipino ug sa tanang mitabang aron masiguro ang malampusong pagpahigayon sa ika-49 nga ASEAN Summit and Related Summits sa Pilipinas.
Gidayeg sa Presidente ang nagkalain-laing ahensya sa gobyerno, mga personnel sa seguridad, volunteers, media teams ug ubang mga trabahante nga nagtinabangay aron masiguro ang hapsay nga dagan sa maong kalihokan.
Giila usab sa Pangulo ang dakong papel sa matag sektor sa pagmintinar sa kalinaw, kaluwasan ug maayong pagdawat sa mga lider ug delegado gikan sa nagkalain-laing nasud.
Gawas sa mga direktang mitabang sa summit, gipasalamatan usab ni Marcos ang mga Pilipino nga naapektuhan ang ilang adlaw-adlaw nga kalihokan ug pagbiyahe tungod sa mga pagpangandam ug aktibidad nga may kalabotan sa maong pagtigom.
Gipabilhan sa Presidente ang pasensya, pagsabot ug pakikiisa nga gipakita sa publiko atol sa rehiyonal nga komperensya.
Gipasabot ni Marcos nga ang kalampusan sa Pilipinas isip host nasandig sa panaghiusa ug kooperasyon tali sa gobyerno ug sa matag Pilipino.











