-- ADVERTISEMENT --
GENERAL SANTOS CITY – Gi-background check na sa mga opisyal sa Brgy Labangal ang mga internally displaced persons gikan sa Marawi City nga kasamtangang anaa karon sa ilang barangay.
Kini ang gikumpirma ni Kag. Bobby Pacquiao, kung asa sa pagpanguna sa kapulisan sa lugar ug ni Kapitan Loreli Pacquiao, giaksyunan na matud pa nila ug giasikaso ang mga nasampit nga evacuees, miagi pang gabii.
Gipangayuan matud pa nila ug mga ilhanan ug uban pang personal nga dokumento ang mga nasampit.
Gikabutyag nga daghan sa mga namakwit nga taga-Marawi ang midayon karon sa ilang mga paryente ug kaila sa Labangal, samtang ang uban ang sa uban usab nga barangay ning siyudad.
