GENERAL SANTOS CITY- Nagpabilin pa sa duha ka tambalanan ning syudad ang lima ka biktima sa karambola sa tulo ka sakyanan nga gikamatay sa usa ka biktima.
Matud sa Malungon Municipal Police station nga nahitabo ang insidente sa Lamcanal Malungon dihang nabanggaan sa passenger van ang usa ka traysikel nga nabangga usab sa elf truck.
Nadala sa St Elizabeth hospital silang Rea Guiterrez 19 estudyante nga taga malandag Malungon ug Rey Diaz 40 mag-uuma nga taga banate Malungon samtang sa Dr. George Royeca hospital silang Jessy Roxas 54 taga San Miguel, davao del Sur, Joan Florez taga Makilala North Cotabato ug Zakariah Bituanan 54 nga taga Cotabato City nga pulos nakaangkon ug mga samad sa lawas.
Gikan sa Davao ug paingon sa Gensan ang van nga maneho ni Bituanan dihang makatagbo ang traysikel nga gikamatay sa biktima nga si Danilo Enero nga taga Lamcanal, Malandag,Malungon.
Maneho usab ni Carl Malyison nga taga Tondo manila ang elf truck kauban si Rosito Morco nga taga Bula ning dakbayan nga nagsunod sa traysikel.
