Ipahigayon unyang hapon ang ligthing ceremony sa Forest Lake Cemetery sa dakbayan alayon sa ika-12 nga anibersaryo sa Maguindanao massacre.
Matud pa kang Joseph Jubelag, Presidente sa Socsargen Press Club nga dili na muadto sa massacre site sa Sitio Masalay, Salman, Ampatuan, Maguindanao ang mga pamilya sa mga biktima sa masaker.
Pagkahuman sa aktibidad sa Forest Lake Cemetery sa dakbayan adunay matigayon nga media fellowship isip tribute sa mga namatay nga miyembro sa media sa masaker.
Sa pamahayag ni Jubelag nga base sa iyang pakighinabi sa mga pamilya nga wala pay nadawat nga damyos gikan sa mga akusado sa Maguindanao massacre.
Kini gumikan hulaton pa ang finality sa desisyon sa korte suprema tungod miapila ang mga gihukman.
Tungod niini laing kasakit ang hulaton sa mga pamilya sa mga biktima nga nawad-an og mahal sa kinabuhi.
Gusto usab sa pamilya nga ipadayon ang scholarship sa mga anak sa mga namatay nga miyembro sa media.
Nasayran nga kada anibersaryo sa Maguindanao massacre may aktibidad nga gihimo sa Forest Lake Cemetery kung asa 12 sa 32 ka media nga namatay ang gilubong sa maong sementeryo.
