Gipanawagan ni Alabel Mayor Vic Paul Salarda ang mga lumupyo sa daplin sa baybay nga kanunay mag amping gumikan sa presensiya sa salt water crocodile.
Gibutyag usab sa mayor nga bisan nadakpan na ang salt water crocodile sa milabyang adlaw sa Prk 6 Kawas, Alabel adunay pay usa nga buaya ang ilang padayong gina monitor ug kini ang mas dako sa unang nadakpan nga anaa sa 7.5 feet ang kataas.
Giasoy nga duha kini ka buaya ang nasaag sa kadagatan sa probinsya. Nga matod pa nga mao kini ang nakita sa Saranagani bay ug isa pa lang ang nadakpan nga anaa na karon sa Davao crocodile sanctuary.
Gani lakip usab sa nanawagan ngadto sa publiko ang Protected Area Superintendent sa PAMB nga si Cirilo Lagnason Jr. nga ug dunay makita nga wildlife ang ipahibalo gilayon saila ug dili mag pataka ug dakop aron malikay sa posibleng disgrasya.
