GENERAL SANTOS CITY – Gapanawagan si Mayor Ronel Rivera sa katawhan sa GenSan nga dili magkumpyansa ning higayona nga migamay na ang kaso sa COVID 19 sa syudad.
Matud pa sa mayor nga magpabiling hugot nga ipatuman ang mga healthy protocols gumikan maoy proteksyon sa tanan.
Gikadugang pa sa mayor nga dakong tabang sa syudad ang molecular laboratory sa Dr. Royeca Hospital tungod paspas gilayon ang resulta og makapahigayon gilayon og contact tracing oras nga masayran nga positibo sa COVID 19 ang usa ka tawo.
Sa pamahayag ni Mayor Rivera nga napalit na sa syudad angautomated extraction machines alang sa molecular laboratory apan mas paspas og daghan ang ma-test ka adlaw.
Apan giangkon sa mayor nga ang dakong hagit ngadto kanila ang mga paghire sa medtech gumikan kung masayod ang aplikante nga ma-assign sa molecular laboratory magduha-duha nga ipadayon ang aplikasyon.
Sa kampanya kontra COVID 19 hugot nga gitutukan usab sa syudad ang contact tracing, testing og isolation.
Samtang sa bahin sa isolation unit walay angayang kabalak-an tungod adunay 2,000 ka mga folding beds ang giandam sa syudad.
