GENSAN- Nagkagamay na ang populasyon sa mga dugong busa gikinahanglan ang mas hugot nga pagpanalipod batok sa maong specie.
Matud ni Dr. Roy Mejorada, Senior Ecosystems Management Specialist sa PENRO-DENR, ang dugong gikonsidera karon nga usa ka critically endangered species, hinungdan nga angay kini hatagan og dakong pagtagad ug proteksiyon.
Importante kaayo ang papel sa dugong sa pagmintinar sa balanse sa ecosystem, ilabi na sa mga baybayon ug kadagatan.
Ang dugong, nga nagakaon og seagrass, makatabang sa pagpadayon sa kahimsog sa mga seagrass beds nga importante usab sa ubang mga organismo sa dagat.
Nanawagan usab si Dr. Mejorada sa kooperasyon sa katawhan aron mapanalipdan ang dugong pinaagi sa pag-atiman ug pagprotekta sa ilang natural nga habitat.
Lakip niini ang paglikay sa ilegal nga pagpangisda, pagpanalipod sa seagrass areas, ug pagreport dayon sa mga awtoridad kon adunay makit-an nga nasamdan o patay nga dugong.
