Nalipay ug gipasigarbo ni Marian Rivera ang iyang anak nga si Zia Dantes human mapili isip voice actor sa karakter nga si Sessa sa bag-ong animation web series nga Sun Chaser.
Sa gipagawas nga trailer sa Sun Chaser, nakadani dayon kini sa daghang netizens tungod sa kombinasyon sa English ug mga Pinoy nga pulong sama sa “hay naku,” “lola,” ug “apo.” Ang serye inspirado sa mitolohiyang Pilipino ug gihimo nila Bobby Pontillas ug Bernard Badion.
Lakip sa mga artista nga naghatag og tingog sa serye mao sila Dingdong Dantes isip Necrofost, Liza Soberano isip Angie o Queen Marisol, Charo Santos-Concio isip Lola, ug uban pang mga personalidad sama nila Manny Jacinto, Eugene Cordero, AC Bonifacio, ug KD Estrada.
Daghang netizens ang nagpahayag sa ilang suporta ug pagdayeg sa trailer, ilabina sa pag-apil ni Zia sa proyekto. Daghan usab ang nag-ingon nga naghinam-hinam silang madungog ang tingog ni Zia sa serye.
Ang Sun Chaser magsugod og pasalida sa Hunyo 22 pinaagi sa opisyal nga YouTube channel
