SARANGANI – Gipili sa mga magtutudlo sa Akbual Elementary School ang pagtabok sa nagbaha nga suba sa Malapatan, Sarangani aron makapauli.
Nag-viral karon sa social media ang kaisog sa mga magtutudlo, lakip ang uploader nga si Techer Jailene Tusan, kinsa mitabok sa sapa sa Sitio Banlas, Barangay Kihan niadtong Hunyo 19.
Matod ni Tusan nga gikan sila sa Akbual Elementary School sa Barangay Upper Suyan pauli na unta sila dihang nasugatan nila ang kusog nga bul-og sa suba, tungod sa kusog nga uwan.
Ubay-ubay nga mga residente ang miboluntaryo sa pagtabang kanila ug walay gikatahong naangol sa maong insidente.
Gipasabot ni Tusan nga walay taytayan ang maong dapit maong mapugos sila sa pagtabok sa sapa gamit ang habal-habal, matag lakaw ug pauli sa eskwelahan.
