GENERAL SANTOS CITY- Gikalipay sa mga magtutudlo og mga estudyante gumikan nasugdan na pagsemento sa DPWH Sarangani sa dalan padulong sa Tangali Integrated School, nahimutang sa usa ka sitio sa Barangay JP Laurel, Malungon, Sarangani Province.
Kini base sa post sa social media account Dr. Donna Panes, ang labaw sa CID kon Curriculum Implementation Division sa DepEd Sarangani.
“Dati maabot namo ang Tanggali Integrated School of Malungon by foot or by horse in 2-3 hours.
Karon maabot namo in 40 min through habal habal kay nice na ang dalan. Naumpisahan napud ang 1st .5km concrete road pakadto sa school. Mao ni ang bentaha kung abtik ang atong mga opisyales”.
Kahibaluan nga daghang mga lugar sa Sarangani Province ang lisod pa maabot hangtud karon.
Gumikan niini padayon ang mga opisyal sa Sarangani ilabi si Rep. Steve Chiongbian Solon nga mabutangan og dalan og masemento ang mga agianan aron dali lang maabot ang ilang dapit.
Gawas pa nga mapalambo usab ang pagpanguma sa katawhan og makaaeskwela tarong ang mga kabataan.
