Magtutudlo, gipaak ang duha ka mga estudyante nga gikanayong mibalibad nga magpakita og abs

Nag-atubang karon ug kaso ang usa ka lalaki nga magtutudlo sa Cebu City tungod sa gikaingong pagpaak niini sa duha niya ka mga estudyante.

Base sa imbestigasyon, gipugos sa maong magtutudlo ang mga lalaki nga estudyante nga naga-edad 14 og 17 nga maghukas sa ilang t-shirt aron ipakita ang ilang ‘abs’.

Sumala sa Cebu City Police Office, usa sa mga ginikanan sa mga biktima ang andam gyud nga magpasaka og tukmang reklamo.

Plano usab sa mga biktima nga magpasa og medical certificate og testimoniya isip ebidensiya alang sa child abuse complaint.

Nagpahigayon usab og imbestigasyon ang Department of Education bahin niini .