GENSAN- Mapasalamaton si Mayor Lorelie Geronimo Pacquiao kang Sen. Mark Villar ug Sen. Camille Villar sa ilang paghatag og tabang alang sa mga residente sa General Santos City nga naapektuhan sa magnitude 7.8 nga linog.
Sumala pa sa mayor nga dako kaayong tabang ang ilang suporta ilabina sa panahon sa krisis diin daghang pamilya ang nanginahanglan og ayuda.
Gipadayag usab niya nga sa panahon sa kalisod, importante ang panaghiusa ug pagtinabangay aron dali nga mahatagan og solusyon ang mga panginahanglan sa mga apektadong komunidad.
Nagpadayon ang lokal nga gobyerno sa pagpanghatag og relief goods ug uban pang serbisyo alang sa mga biktima sa kalamidad.
Gipasabot usab niya nga magpadayon ang koordinasyon sa mga national ug local partners aron masiguro ang kaluwasan ug pagbangon sa General Santos City.
Sa katapusan, iyang gipasalig nga magtinabangay ang tanan aron mas lig-on nga makabangon ang siyudad.
