GENERAL SANTOS CITY – Gibutyag ni Ret. Gen. Robert Kuinisala, assistant regional director sa Land Transportation Office (LTO) 12 nga miadto sa iyang buhatan ang mga nabiktima ni Alex Blancaflor nga gikaingon nga nangilad sa mga tawo gumikan sa pagbaligya niini og motorsiklo.
Matud pa ni Kuinisala iyang gitambagan ang mga nagreklamo nga magpasaka og kaso gumikan valid usab ang reklamo.
Sa pagpaklaro sa nasampit nga opisyal nga dili niya kaila si Blancaflor og dili trabahante sa LTO ang nasampit.
Base sa pagsaysay sa mga biktima nga si Blancaflor ang may gipaila-ila kanila nga si Ret. Gen. Robert Kuinisala apan lahi ang panagway nga ilang nakit-an sa dihang miadto sa opisina sa maong opisyal.
Tambag pa niini sa katawhan nga angayang iberipika ang mga transaksyon sa gobyerno aron nga dili na mahitabo ang laing mga modos operandi.
